എനിക്ക് തോന്നുന്നു, സ്ത്രീകളോട് യേശു ഇടപെട്ടതും സംവദിച്ചതും ചേർത്തു വെച്ചാൽത്തന്നെ നമുക്ക് നല്ലൊരു സുവിശേഷം ലഭ്യമാകുമെന്ന്. അത്രകണ്ട് സമഗ്രവും സമ്പുഷ്ടവും ആയിരിക്കുമത്. വിശദമായി എഴുതണം എന്നുണ്ട്. സമയക്കുറവ് മൂലം അതിനു മുതിരുന്നില്ല.

1 അവന്റെ ചില വാക്കുകൾ മാത്രം ശ്രദ്ധിക്കാം.

മരിച്ചുകിടന്ന ഒരു ബാലികയോട് അവൻ പറയുന്നത്:

"ബാലികേ എഴുന്നേൽക്കൂ"

2 മഗ്ദലന മറിയത്തോട് അവൻ ചോദിക്കുന്നത്:

"സ്ത്രീയെ എന്തിനാണ് നീ കരയുന്നത്?"

3 നായിനിലെ വിധവയോട് അവൻ പറയുന്നത്:

"കരയേണ്ടാ"

4 വ്യഭിചാരത്തിൽ പിടിക്കപ്പെട്ട സ്ത്രീയോട് അവൻ പറയുന്നത്:

"ഞാൻ നിന്നെ വിധിക്കുന്നില്ല"

5 സമരിയാക്കാരി സ്ത്രീയോട് അവൻ പറയുന്നത്:

'ഞാനാണ് അവൻ '

6 കാനാൻകാരി സ്ത്രീയോട് അവൻ പറയുന്നത്:

"സ്ത്രീയേ, നിന്റെ വിശ്വാസം വലുതാണ് "

7 രക്തസ്രാവം ഉണ്ടായിരുന്ന സ്ത്രീയോട് അവൻ പറയുന്നത്:

"നിന്റെ വിശ്വാസം നിന്നെ രക്ഷിച്ചിരിക്കുന്നു"

8 പാപിനിയായ സ്ത്രീയെ ചൂണ്ടി അവൻ പറയുന്നത്:

"അവൾ അധികം സ്നേഹിച്ചു"

9 മാർത്തയുടെയും മറിയത്തിന്റെയും കണ്ണുനീരിൽ, അവരുടെ സഹോദരൻ ലാസറിനോട് അവൻ പറയുന്നത്:

"ലാസറേ, പുറത്തു വരിക"

10 എല്ലാവരോടുമായി അവൻ പറയുന്നത്:

"അവന്റെ കെട്ടുകള്‍ അഴിക്കൂ: അവൻ പോകട്ടെ"

11 പ്രിയ ശിഷ്യനെ ചൂണ്ടി സ്വന്തം അമ്മയോട് അവൻ പറയുന്നത്:

"സ്ത്രീയേ, ഇതാ നിന്റെ മകൻ"

12 ചക്രം തിരിഞ്ഞ് പൂർത്തിയാകുമ്പോൾ മാലാഖ പറയുന്നത്:

"നന്മ നിറഞ്ഞവളേ, സ്വസ്തി"